11 август (понеделник) | Градски парк Струмица
Струмица Опен Фестивал 2025 го отвора својот концертен мозаик со вечер исполнета со емоции, музика и спомени, посветена на трагично загинатиот млад струмичанец, Џоко Ѓоргиев.
20:30 часот – Летна школа за гитара „Џоко Ѓоргиев“
Младите таленти ќе ја отворат вечерта со музички изведби во чест на својот некогашен член и инспирација, чие име од оваа година гордо го носи школата на проф. Васко Пиличев.
22:00 часот – YU For You
Култниот бенд со кој Џоко некогаш настапуваше, ќе ја исполни сцената со звуци и емоции во негова чест – концерт што ќе ја допре секоја душа.
Организаторите Ве покануваат да бидете дел од оваа посветена и трогателна прва вечер на СОФ 2025, каде музиката ќе зборува за љубовта, пријателството и сеќавањата.
