ПЗУ – аптека „ЕЛИКСИР“ од Струмица, како општествено одговорна здравствена установа и дел од фармацевтската дејност веќе 30 години, по повод Светскиот ден на борба против дијабетот, организира низа активности со цел подигнување на свеста кај населението за навремена превенција, дијагноза и третман на дијабетот.
По тој повод денеска во просториите на дијабетската амбуланта дел од вработените во ПЗУ – аптека „ЕЛИКСИР“ на пациенти со дијагностициран дијабет им поделија апарати за мерење на шеќер во крвта од брендот CareSens N Eco и природни препарати за регулација на нивото на шеќер во крвта од брендот Oligogal Cr, Galenika, додека д-р. Гоце Христов, супспецијалист дијабетолог од ЈЗУ Општа болница Струмица и медицинската сестра Јуле Јанева им понудија на пациентите совети како успешно да се справат со дијабетот.
Активностите организирани од страна на ПЗУ – аптека „ЕЛИКСИР“ по повод одбележување на Светски ден на борба против дијабетот продолжуваат до крајот на месец ноември. На 14 ноември, кога календарски се одбележува овој ден, во просториите на аптеките Еликсир 1, спроти Стара Болница, Еликсир 2, спроти Нова Болница и Еликсир 3 кај Чешел пазар, во периодот од 7:00 до 11:00 часот ќе се спроведе бесплатно мерење на ниво на шеќер во крв, совети за контрола на дијабетот и попусти на апарати за мерење на шеќер во крв и природни препарати за контрола на дијабетот. Во соработка со дијагностички центар ПЗУ НоваЛаб, пациентите кај кои ќе биде измерено покачено ниво на шеќер во крв ќе добијат ваучер за бесплатно испитување на HbA1c, или попознат како тримесечен шеќер, во просториите на нивната биохемиска лабораторија.
Светскиот ден на борба против дијабетот претставува ден за подигнување на свеста на населението за тоа што претставува дијабетот, колку е застапен во светот и можните начини за превенција од појава на шеќерна болест.
Овој ден се одржува по иницијатива на Интернационалната Федерација за борба против дијабет и СЗО и се одбележува на 14 ноември секоја година, денот на раѓањето на Frederick Banting, кој заедно со Charles Best, го откриле инсулинот во 1933 година.
