Почнува втората фаза од изградбата на Домот на културата во Куклиш – најави градоначалникот Костадинов

Градоначалникот на општина Струмица, Костадин Костадинов денеска го посети селото Куклиш во кое се завршени повеќе активности од програмата за работа на Општина Струмица. Тој информираше за завршеното оградување на паркот пред детската градинка, поставената нова мрежена ограда на метална конструкција со бетонски ѕид, санираната мрежа на постоечката ограда на градинката, извршената поправка и фарбање на металните клупи и замената на дрвените конструкции на 12 клупи, како и поставувањето 3 нови корпи за отпадоци.

Градоначалникот Костадинов ги спомена и поправените и исфарбани детски играчки во паркот, како и направената бетонска платформа за нова детска комбинирана играчка на гумирана подлога, а го најави и денешното започнување на градежните работи од втората фаза на изградбата на Домот на културата во Куклиш. Обезбедени се пари за продолжување на градбата, 5.700.000 денари од Министерството за култура и 3.300.000 денари од буџетот на Општина Струмица.

„Денеска го имав задоволството да го посетам Куклиш, кое од ден на ден доживува се поголем број новитети. Ја споделив и радосната вест со куклишани за денешното започнување на градежните работи од втората фаза на изградбата на Домот на културата во Куклиш“, вели Костадинов.

Покрај активностите во Куклиш, градоначалникот ги истакна и оние во Просениково и Сачево, уредувањето површина од 6.200м² во Градско Балдовци, како и оградувањето на игралиштата во Рич и Просениково. Една од активностите кои следуваат во скорешна иднина е и изградбата на бетонска платформа и поставување нов летниковец во населеното место Вељуса.