Поранешниот директор на „Затвор Струмица“ Михаиловиќ реагираше на изјавата на новиот директор и прашува, а како нему за 10 дена му избегале 5 затвореници

Поранешниот директор на КПУ „Затвор Струмица“, Владимир Михаиловиќ реагираше на вчерашната прес изјава на новиот ВД директор на КПУ „Затвор Струмица“, Зоран Ристов, вели дека избегани 18 затвореници се од пред 7-8 години и за повеќето има распишано потерници, и прашува, „а како на Ристов за 10 дена му избегале 5 затвореници“.

„Во текот на вчерашниот ден в.д. директорот на Затвор Струмица излезе со соопштение за бројноста на бегства во Затвор Струмица, за што апсолутната бројка можеби е таа, но…

При примопредавањето на функцијата, во Затвор Струмица имаше 18 избегани затвореници, од кои 13 се со распишани потерници пред повеќе од 7-8 години, останите 5 затвореници не се во директно бегство од затворот, туку истите се немаат вратено од погодности, а како му избегале 5 затвореници во рок од неполни 10 дена од кога е на функција, ќе треба самиот да одговори!?

Во Затворот е забрането бегство, како што и во животот е забрането да се лаже, но очигледно и затворениците бегаат и новиот в.д. директор лаже.

Имајќи предвид дека се што сум работел до сега било чесно, фер и по принципот на етиката, со цел мој авторитет и интегритет, така ќе се држам до крај.

За крај му посакувам повеќе работа, помалку чаршиски пресови“ – напиша Михаиловиќ во реакцијата.