Полицијата приведе двајца млади од Ново Село, кај нив пронајдена марихуана

Од Струмичката полиција информираат дека синоќа во одделни претреси кај две лица во Ново Село е пронајдена марихуана.

На 25.11.2024 година во 19:00 часот во Ново Село, струмичко, полициски службеници од СВР Струмица го лишиле од слобода Д.П.(30) од Ново Село, затоа што кај него била пронајдена марихуана.

Истата вечер во 23:20 часот во Ново Село, полициски службеници од СВР Струмица го лишиле од слобода А.Љ.(26) од Ново Село. При претрес во неговиот дом, извршен со судска наредба, биле пронајдени марихуана и една дигитална вага.

И во првиот и во вториот случај лицата се задржани во Полициската станица Струмица, за настанот бил запознаен јавен обвинител од Основното јавно обвинителство Струмица и по целосно документирање на случајот против нив ќе биде поднесена соодветна пријава.