Познатиот карате мајстор Илија Јорга – соке 10 дан, одржа дводневен семинар во Струмица

Викендот во Струмица, на покана на митрополитот струмички Наум, Македонската фудокан федерација и Карате клубот „Шихан“ од Струмица, гостин беше проф. д-р Илија Јорга, универзитетски професор по спортска медицина, пионер на каратето во поранешна Југославија, карате мајстор и инструктор со највисок степен – соке 10. дан. Во 1980 година го основа стилот во традиционалното карате фудокан.

Доаѓањето на проф. д-р Илија Јорга се случува по успешниот настап на каратистите од КК „Шихан“ од Струмица на Светското првенство во фудокан карате во Полска, од каде што нашите каратисти се вратија со освоени 11 медали – 7 златни, 3 сребрени и 1 бронзен.

„Неговото присуство претставува особена чест за каратистите од КК „Шихан“ од Струмица, кои го искористија присуството на големиот мајстор за да им одржи дводневен семинар заедно со неговите асистенти Александар Симиќ и Марија Срејиќ. На семинарот присуствуваше и Мирче Опеловски, а учество зедоа тренери и инструктори од повеќе градови од Македонија, Зоран Пејов, Владимир Јовановски, Ѓоко Томоски и други кои дојдоа да го збогатат своето знаење и да му укажат чест на големиот мајстор и карате легенда, проф. д-р Илија Јорга“, велат од КК Шихан.