Пожар во куќа во горниот дел на Струмица – две лица хоспитализирани во болницата

Околу 11 часот избувна пожар во куќа на улицата „Крушевска Република“ во Струмица, во горниот дел на градот покрај поројот, над „Момин бунар“.

Две лица кои вдишувале чад во куќата и се здобиле со повреди обидувајќи се да бегат кон ридот за да се спасат од огнот, се хоспитализирани со Итната медицинска помош.

Од силниот оган зафатени се и две соседни куќи.

Пожарникарите упееја во 12:10 часот да го изгаснат пожарот. Екипа останува да го контролира теренот, бидејќи објектите се веднаш до нискостеблести дрвја на ридот. ЕВН го прекина напојувањето со електрична енергија кон овој дел на градот.

На местото кое беше тешко пристапно за службите беа упатени 6 противпожарни возила со 22 пожарникари. Интервенираше и полицијата за организирање на сообраќајот за пристап на Противпожарната служба и Итната медицинска помош.