Пожарот кај Доброшинци се шири кон Сушево – интервенира хеликоптер на МВР

Пожарот на отворено кој вчера попладне започна на територијата на општина Василево, во реонот на Доброшинци, сé уште е активен, се разгорува и се приближи во непосредна близина на село Сушево, а се шири и кон село Злеово поради што за гаснење е агажиран хеликоптер на МВР „МИ-171“, кој полни вода од малата брана, ископ за песок до Акумулација „Турија“ и носи брзо вода кон опасниот крак на пожарот што се доближи до селото Сушево, соопштија од ЦУК.

„Имајќи ги предвид околностите дека се работи за тешко пристапен терен и покрај ангажираноста на противпожарните служби, јавните претпријатија на локално и државно ниво, надлежните служби за заштита, спасување и ЦУК, локализирањето и гаснењето на пожарот е исклучително тешко“, објави на Фејсбук градоначалникот на општина Василево, Славе Андонов.

• Шумски пожар кај Доброшинци, интервенираат пожарникарите