Пожарникари и цивили се заробени од пожарот на планината Огражден, меѓу нив и градоначалникот на Ново Село кој објави видео обраќање

Градоначалникот на општина Ново Село, Ѓорѓе Божинов објави видео на Фејсбук преку кое побара помош за евакуација од местото на пожарот на планината Огражден, над селото Бадилен. Тој, неколку цивили и пожарникари од Струмица се заробени од пожарот од сите страни во радиус од 500 метри и побара хеликоптер да дојде по нив да ги земат, бидејќи сите копнени врски се прекинати.