Повторно се крадат посадените дрвца од покриениот порој „Крушевска Република“, се крадат и капаците на шахтите

Од ЈПКД „Комуналец“ реагираат дека шеталиштето на покриениот канал на улицата „Крушевска Република“ во градот Струмица, покрај неговото урбано уредување продолжува да биде мета на граѓани кои го уништуваат.

„Се крадат и намерно кршат новонасадени насади од дрвца, а и дел од капаците на водоводните шахти се украдени или сокршени. Апелираме да престане таквото однесување на поединци, а секое уништување на урбаната опрема претставува и уништување на животната средина која треба да служи за поквалитетно урбано живеење“ – соопштуваат од „Комуналец“.

Од таму ги охрабруваат сите граѓани да пријавуваат вакви или слични појави како би можеле надлежните институции да преземат мерки кон сторителите кои ја уништуваат животната средина.