Повредено 19-годишно момче на мотоцикл – се судрил со товарно возило

Синоќа околу 21:40 часот на локалниот пат помеѓу селата Банско и Муртино, струмичко, на место викано „Бабик“, се случила сообраќајна незгода помеѓу мотоцикл „Хамачи“ без регистарски ознаки, управуван од Д.К.(19) од село Банско и товарно возило „Там“ со струмички регистарски ознаки, управувано од С.С.(41) од село Банско. Во незгодата со тешки телесни повреди се здобил возачот на мотоциклот, констатирани во струмичката болница. Увид на местото извршила екипа на Полициската станица Струмица.