Повредени тројца струмичани во сообраќајка на патот Штип – Кадрифаково

Вчера попладне околу 15 часот на регионалниот пат Штип – Кадрифаково, кон Три Чешми се случила сообраќајна незгода помеѓу патничко моторно возило „Форд фокус“ со велешки регистарски ознаки, управувано од О.К.(52) од Велес и патничко моторно возило „Фолксваген голф“ со струмички регистарски ознаки, управувано од М.М.(42) од Струмица.

Во незгодата со тешки телесни повреди се здобил возачот М.М., а со телесни повреди се здобиле сопатничката Г.Д.(65) од Струмица и уште една малолетна сопатничка од истото возило, констатирани во Клиничката болница Штип. Извршен бил увид од увидна екипа од СВР Штип.