ПЗУ аптека „ЕЛИКСИР“ месец август го посвети на Светската недела на доење

Месец август ПЗУ аптека „ЕЛИКСИР“ го посвети на врската помеѓу мајката и новороденчето. Преку низа на промоции на препарати и помагала кои го помагаат доењето, интервју со д-р Милена Мицева, специјалист по гинекологија и акушерство и едукации во и надвор од просториите на аптеките беше одбележана Светската недела на доење.

На 6-ти август во просториите на ресторан „Вила Парк“ во Струмица, ПЗУ аптека „ЕЛИКСИР“ во соработка со ПЗУ Д-р Мицев одржа предавање на тема „Мајчиното млеко е повеќе од храна“, наменето за мајки и идни мајки. Предавањето имаше за цел да ги подготви мајките и идните мајки за доаѓањето на бебето, да добијат инструкции и информации за грижа за бебето во првите месеци и информации и инструкции за начинот на правилно доење и придобивките од истото.

Присутните на предавањето имаа можност да го погледнат асортиманот на природни препарати и помагала кои го подобруваат и олеснуваат доењето и да добијат инструкции за нивно правилно користење од тимот на ПЗУ аптека „ЕЛИКСИР“.