Пет лица од Баница добија 30-дневен притвор за напад на полициски службеник

Пет лица вмешани во нападот на полициски службеник на СВР Струмица во селото Баница, кој се случи петокот вечерта околу 23 часот добија притвор од 30 дена. За нив како и за останатите напаѓачи за кои полицијата поднесе кривични пријава отворена е истражна постапка за напад врз службено лице при вршење на работа за безбедност, информираа денеска од Јавното обвинителство во Струмица.

Неколку лица во петокот вечерта, според СВР Струмица насилно запреле полициско возило управувано од полицискиот службеник по што најнапред со дрвени, бетонски и метални предмети удирале по возилото, а потоа и физички го нападнале полицискиот службеник.

• Нова информација за нападот на полицаец во Баница – 13 лица приведени, меѓу нив и малолетник

За инцидентот вчера реагираше и Независниот синдикат на полицијата кој побара строги казни за сторителите.

• Реакција на Независниот синдикат на полицијата по крвничкиот напад врз нивни колега во селото Баница