Петар Јанков е кандидатот на ВМРО-ДПМНЕ за градоначалник на општина Струмица

Извршниот комитет на ВМРО-ДПМНЕ вечерва одлучи – Петар Јанков ќе биде кандидат за градоначалник на општина Струмица на претстојните Локални избори закажани на 19 октомври.

Петар Јанков е роден 1976 година во Струмица. Средно образование завршил во СОУ „Јане Сандански“ во Струмица. Своето високо образование го продолжил на Факултетот за туризам и угостителство во Охрид, на отсекот Царина и шпедиција, каде ги завршил додипломските студии и стекнал звање – дипломиран менаџер по царина и шпедиција.

Во периодот од 2007 до 2018 година Јанков бил дел од Царинската управа на Република Македонија, каде работел како виш цариник. По напуштањето на јавната служба, од 2018 година својата кариера ја продолжува во приватниот сектор. Во моментот е потпретседател на ОК на ВМРО-ДПМНЕ во Струмица.