Откриени причините за големиот пожар меѓу Струмица и Баница – ќе се води како кривично дело за кое ќе се лежи затвор

Дирекцијата за заштита и спасување заедно со преставници од МВР, но и од земјоделскиот инспекторат претпладнево ги утврдуваа причините за големиот пожар кој се закануваше да опожари куќи и викендици кај Софилар и Баница.

Како што изјавил за „Дрнка.мк“, Митко Димчев од Дирекцијата за заштита и спасување откриени се повеќе жаришта. Биле запалени суви гранки од резидба на овоштарник кои стоеле со години и запалена сува вегетација, трски и капини на необработени површини. Ветерот кој се појавил бил сојузник за брзото проширување на пожарот, кој прво се насочил кон Баница, а потоа и кон Струмица, конкретно кон населбата Софилар.

„На лице место кај што е почнат пожарот откривме 3 до 4 жаришта. Запалени се суви гранки од овоштарник кои биле таму повеќе години и запалено е пространство со трска, трње капини. Заради ветрот прво пожарот почнал да се движи кон село Баница, па потоа ветерот го менува правецот и продолжува кон Струмица. За среќа кога пожарот дојде до Струмица ветрот го сменува правецот и пожарот се насочи кон опожарената површина. Во месноста Софилар браневме 5-6 објекти да не се опожарат“ – изјавил за „Дрнка.мк“, Митко Димчев од Дирекцијата за заштита и спасување.

Преземено од www.drnka.mk