По вонредниот инспекциски надзор на 24 март, што го направиле општинските инспектори при Општина Струмица во 8 субјекти кои вршат угостителска дејност во и надвор од објектот, кај сите констатирале неправилости во своето работење.
Во објава на Фејсбук страницата на градоначалникот на општина Струмица, Костадин Костадинов стои дека Општинскиот градежен инспектор кај 8 субјекти утврдил неправилности и за истите ќе бидат превземени инспекциски мерки согласно одредбите од член 132 од Законот за градење.
Општинскиот комунален инспектор кај 4 субјекти утврдил неправилности за кои ќе бидат донесени решенија со рок за отстранување на неправилностите, а во 2 е констатирано дека нема неправилности во поглед на користење на јавните површини, согласно одредбите од Законот за јавна чистота.
Општинскиот инспектор за животна средина кај 7 субјекти утврдил неправилности, за кои ќе бидат донесени решенија со рок за отстранување на неправилностите, согласно одредбите од Законот за животна средина и Законот за управување со отпад.
Во објавата и информацијата дека од 1 јануари до 23 март годинава од страна на Секторот за инспекциски работи направени биле 226 надзори.
