Општина Босилово подели 1500 овошни садници на граѓаните во замена за 1200 килограми пластични шишиња собрани од нив

„Овошно дрвце за пластични шишиња“, традиционална еко акција на општината Босилово, четврта година по ред каде жителите од оваа општина ги собираат пластичните шишиња од своите домови и ги носат на однапред утврдените локации, за возврат добиваат овошен садник, цреша, праска, круша, слива. За 30 пластични шишиња Општина Босилово им доделуваше по еден овошен садник, по нивен избор. Околу 1000 домаќинства се вкличиле во оваа еко акција кои донеле 1200 килограми пластични шишиња, а Општина Босилово им додели 1500 овошни садници.

Градоначалникот на општина Босилово, Ристо Манчев вели дека во изминатите четири години поделени се вкупно 6000 овошни садници и дел веќе даваат плодови.

Дрвцата Општина Босилово ги набавува со планираните средства за репрезентативен матријал за Нова година. Наместо да набавува пенкала, тефетери, запалки, календари таа набавува садници кои потоа во еко акцијата ги дели на граѓаните за пластични шишиња.