Во вторник и среда во трите средни училишта во Струмица полуматураните ќе можат да се запишат за продолжување на своето образование.
Според објавениот конкурс за запишување на ученици за новата учебна 2023/2024 година, во прва година во трите средни општински училишта во општина Струмица предвидено е да се запишат вкупно 1225 ученици.
Во СОУ „Јане Сандански“ во прва година можат да се запишат вкупно 356 ученици во 11 паралелки и тоа, 238 во Гимназиското образование и 118 ученици (4 паралелки) во Економско правна и трговска струка.
Во СОУУД „Димитар Влахов“ планиран е упис на 379 ученици во 13 паралелки, според наставните планови и програми за: Земјоделско-ветеринарна струка – 143 ученици, во 5 паралелки, Хемиско-технолошка струка 84 ученика во 3 паралелки, во Здравствената струка планирани се 127 ученици во 4 паралелки и во Угостителко-туристичката струка – 25 ученици во една паралелка.
Во прва година во СОУ „Никола Карев“ можат да се запишат 490 ученици во 16 паралелки со настава на македонски јазик според наставните планови и програми за: Машинска струка – 127 ученици, во 4 паралелки, Текстилно-кожарска струка 50 ученици, во 2 паралелки, во Електротехничката струка – 136 ученици, во 4 паралелки, во Сообраќајната струка ќе се запишат 93 ученици (3 паралелки), 25 ученици (1 паралелка) се планирани во Шумарско-дрвопреработувачката струка и во Градежно-геодетската струка – 59 ученици во 2 паралелки.
Пријавувањето и запишувањето на учениците ќе се врши во еден уписен рок со две пријавувања во месец јуни, на 20 и 21 јуни и второ пријавување на 27 и 28 јуни 2023 година, преку порталот за електронски услуги на Министерството за образование и наука https://e-uslugi.mon.gov.mk со најава на средношколците преку сопствените кориснички сметки на Schools.mk
