Од утре во Струмица првиот турнир во мал фудбал во чест на фудбалската легенда Благој Истатов

Од утре, 20 декември, па се до 12 јануари во Спортската сала „Парк“ во Струмица ќе се одржува првиот турнир во мал фудбал насловен Меморијален турнир „Благој Истатов 2023/2024“ со награден фонд од 1.200.000 денари.

24 екипи ќе се натпреваруваат на турнирот, освен од Струмица и Македонија учество ќе земат и по една екипа од Солун, Грција и од Врање, Србија, кои на турнирот му даваат меѓународен карактер.

Првопласираната екипа ќе добие 600.000 денари, втората 300.000 денари, третата 100.000 денари, а четвртопласираната 50.000 денари. Во финалето ќе бидат доделени и наградите за најдобар стрелец, играч и голман.

Официјалното отворање е утре (среда) во 18:30 часот во Спортската сала „Парк“, а веднаш потоа во 18:45 часот е првиот натпревар помеѓу екипите на „ПАОК“ од Солун и „Алупласт Васил“ од Јосифово. Следуваат уште два натпревари помеѓу: „Христ Мил“ и „Еко Контрол“ во 19:45 часот и ФК „Дрвош Оранжерии Хамзали“ и ФК „Беласица“ во 20:45 часот.