Од Општинскиот комитет на ВМРО-ДПМНЕ во Струмица вечерва испратија соопштение со реакција на вечерашниот Митинг на СДСМ во Струмица.
„На прв ден Велигден во недостиг на доволна почит кон најголемиот Христијански празник СДСМ одржува Митинг во општина каде поголем дел од населението го празнува традиционално.
Поради слабата посетеност од граѓаните собирот на СДСМ во Струмица стана симбол на неуспешен предизборен митинг.
Описот на одржаниот Митинг во Струмица вечерва е: бледи говори на изветвени политичари одржани пред раководството на партијата, директори и раководители седнати на столчиња.
Струмичани и вечерва покажаа дека после 24 април повеќе нема да бидат заинтересирани за јавните настапи на Костадин Костадинов, Борче Цветков и Јована Тренчевска, а уште помалку за Венко Филипче и Димитар Ковачевски.
Тоа е сосема очекувано, затоа што после пет мандати локална и два мандати на државна власт СДСМ ги искористи досега сите можни облици на ветување на редица неостварени програми.
Почитувани,
Пред само неколку денови на истата локација ВМРО-ДПМНЕ одржа митинг со посетеност од неколку илјади граѓани кои во еден глас ги пеат химните и се едногласни дека за само неколку денови Струмица и Македонија ќе бидат повторно горди“ – напишаа во реакцијата од ОК на ВМРО-ДПМНЕ Струмица.
