Одбојкарките на македонската репрезентација во Струмица славеа убедлива победа против репрезентацијата на Луксембург

Македонската женска одбојкарска репрезентација со победа ја стартуваше ЦЕВ Европската сребрена лига, откако во Спортската сала „Парк“ во Струмица го совлада Луксембург со максимални 3:0 во сетови (25:16, 25:19, 25:14).

Најефикасна во македонските редови беше Теа Терзиевска со 14, додека Тамара Стојанова и Ана Фасулева запишаа по 8 поени.

За македонските одбојкарки денеска е слободен ден пред утрешниот дуел против Швајцарија со почеток во 20:00 часот во салата „Парк“ во Струмица.