Ново Село домаќин на Балкански шампионат во одбојка на песок – М&W U22

На 9, 10 и 11 август во Ново Село, во организација на Одбојкарската федерација на Македонија ќе се одржи Балкански шампионат во одбојка на песок – М&W U22 BVA Beach Volleyball Balkan Chamiponsip.

Отворањето на шампионатот ќе биде утре (петок, 9 август) во 20:30 часот на угралиштето во ООУ „Мануш Турновски“ каде и ќе се одржуваат натпреварите.

На овој Шампионат ќе настапат екипи од Македонија, Романија, Турција, Грција, Косово и Молдавија.

„Во Ново Село се обезбедени сите услови за почеток на Шампионатот. Прекрасните туристички и угостителски капацитети на овој крај ги очекуваат не само екипите, туку и гостите кои се љубители на овој спорт“ – вели градоначалникот Ѓорѓе Божинов, потенцирајќи дек апостои можност овој настан да стане традиционален, да добие пошироки размери и да стане дел од пошироката понуда на општина Ново Село за развој на спорт и туризам.