Нова информација за нападот на полицаец во Баница – 13 лица приведени, меѓу нив и малолетник

Од СВР Струмица попладнево со дополнителна информација на нападот на полицаец во селото Баница. Денеска  во Полициска станица приведени се 13 лица, кој синоќа нападнале полицаец и му нанеле тешки телесни повреди.

„На 19.08.2023 година полициски службеници од Секторот за внатрешни работи Струмица ги лишиле од слобода С.С. (43), Д.Ј. (33), П.С. (40), И.Г. (26), И.В. (41), Т.С. (37), Р.С. (52), А.С. (43), В.К. (39), Т.В. (21), Ж.М. (33) и уште едно малолетно лице, сите од село Баница, струмичко и М.Ѓ. (23) од село Градско Балдовци, струмичко. Тие се сомничат дека на 18.08.2023 година во 23:00 часот во село Баница, струмичко, насилно запреле цивилно полициско возило „Шкода“, управувано од полициски сужбеник од СВР Струмица кој во моментот извршувал службени задачи, по што најнапред со дрвени, бетонски и метални предмети удирале по возилото, а потоа физички го нападнале полицискиот службеник со повеќе предмети. Полицискиот службеник се здобил со тешки телесни повреди, констатирани во болницата во Струмица. Лицата биле задржани во Полициската станица Струмица, а за настанот бил запознаен Јавен обвинител од Основното Јавно обвинителство Струмица“ – стои во соопштението на СВР Струмица.

• Уапсени двајца жители на Баница – нападнале полициски службеник и му одзеле службена легитимација и мобилен телефон

Против нив е поднесена кривична пријава поради постоење на сомнение за сторено кривично дело „Напад врз службено лице при вршење работи на безбедноста“ по член 383 став 3 од Кривичниот закон и ќе бидат изведени пред судија на претходна постапка од Основен суд Струмица.