НИПРОМ – Фабрика за производство на врати и надворешна столарија изработени од дрво

Кога е во прашање уредување на домот, струмичкиот бренд „НИПРОМ“, кој се занимава со производство на врати и надворешна столарија изработени од дрво, успешно се прилагодува на секој Ваш вкус.

„НИПРОМ“ ја комбинира најновата технологијата со традиционалниот начин на изработка на дрвени врати и прозорци со цел клиентите да користат вистински квалитетни производи од дрво.

Техниките и технологијата за работа кои ги користи „НИПРОМ“ се специјализирани за овој сектор од столаријата, односно обработка и изработка на дрвени врати и прозорци. Целиот процес на изработка, од почеток до крај, со исклучок на бојадисување и бајцање, се врши со специјализирани рачноуправувани машини од италијанската компанија „Coimex“, лидер во производството на машини за производство на дрвена столарија.

Процесот и времетраење на изработка на секоја врата зависи од материјалот и од обработката. Изработката на масивните врати започнува од нула, односно од обработката на талпите дрво, кои потоа се носат на бојадисување со рачноуправувани компресори. Процесот на изработка на собните медијапански врати е за нијанса полесен процес, бидејќи кај овие врати само внатрешноста е со дрвени рамови, а потоа според желбата на клиентот се исполнува со саќе или термоизолациона иверка.

Изработувањето на производите се прави по последните ISO стандарди и со најсовремена технологија во сите фази од производството. За клиентите ова значи гаранција за квалитет и долготрајност.

Секоја врата и прозорец од „НИПРОМ“ си има своја историја, свој живот и секоја од нив совршено си го наоѓа своето место во Вашите домови и јавни објекти. Работата на „НИПРОМ“ претставува успешен спој на следење на светските трендови во областа на производството на внатрешна и надворешна столарија и доаѓање во пресрет на Вашите желби и замисли.

Купете директно од производителот на дрвени врати и масивна столарија и заштедете на време и пари…

„НИПРОМ“ Струмица – 30 години на македонскиот пазар!

Комерцијална објава