Никола Назов од Струмица е меѓу најдобрите вокали кај средношколците

Струмичанецот Никола Назов од СОУ „Јане Сандански“ го освои првото место на Државниот натпревар по музика за средни и основни училишта кој денеска се одржа во Прилеп.

Меѓу 16-те финалисти средношколци кои настапија пред жири комисијата на сцената во Центарот за култура „Марко Цепенков“ во Прилеп, Никола освои 96 поени за својата интерпретација на песната „Shape of my heart“.

Претходно Никола под менторство на професорката Анита Станковска го освои и првото место на регионалниот натпревар каде доби „виза“ да учествува на државното натпреварување. На регионалниот натпревар пак учествуваа уште четири ученици од струмичката гимназија: Мартина Митева и Софија Весева од втора година, Стефанија Ичовска од трета година и Анастасија Цамбулева од четврта година кои поединечно сите освоија второ место за вокална интерпретација.

Организатор на оваа натпреварување е Здружението на музички педагози на Македонија.