![almak](https://strumicanet.com/wp-content/uploads/2025/08/srnet-banner-аugust2025-optimized.jpg")
На 6, 7 и 8 јуни во Струмица и Колешино ќе се одржува 22-то издание на литературната манифестација „Средби под јаворите – Видое Подгорец“. Официјалното отворање е во вторник, 6 јуни во 12:00 часот со свеченото доделување на признанието Библиотекар на годината „Павлина Цунева Маказлиева“, а веднаш потоа во Домот на АРМ ќе се одржи советување на тема: „Библиотеката темел на писменоста“ на кое ќе говорат: проф. д-р Ана Витанова Рингачева, проф. д-р Кирил Барбареев, Билјана Павличковска, м-р Елмедина Абдулахи и м-р Гордана Ѓоргиевска Неделковски.
Следниот ден во среда, од 10:00 до 16:00 часот во градинките и основните училишта во Струмица и општина Ново Село ќе се одржат Книжевни средби со писателите – гости на манифестацијата, а во 17:00 часот во Домот на АРМ во Струмица ќе се одржи трибина на тема: „Вмрежување на балканските книжевници за деца“,
На 8 јуни во 12:00 часот во ООУ „Видое Подгорец“ во Колешино свечено ќе бидат доделени наградите по повод распишаните конкурси за деца и наставници во рамките на манифестацијата „Средби под јаворите – Видое Подгорец 2023“, по што ќе следува посета на куќата на Видое Подгорец во Колешино и заеднички пикник.
