Градоначалникот на општина Струмица, Петар Јанков, го закажа одржувањето на собирите на граѓани на кои ќе се избираат членови на советите на Урбаните и Месните заедници во општината. Собирите ќе се одржат на 3 декември (среда), на повеќе локации низ градот и населените места.
Од Општината истакнуваат дека волонтеризмот во месните заедници претставува важен двигател на заедничкиот напредок, а активното учество на граѓаните е основа за градење вистинска демократска и функционална локална заедница.
По повеќе од три години, месните заедници повторно се активираат како простори каде што секој жител може да го искаже својот став, да предложи идеи и директно да придонесе за подобра и поуспешна Струмица. Градоначалникот Јанков потенцира дека Општината работи транспарентно, отворено и во партнерство со граѓаните, создавајќи силни, активни и одговорни заедници.
Термини и локации на собирите (Среда, 03.12.2025)
Урбани заедници (град Струмица):
- Прва УЗ – 18:00, ООУ „Сандо Масев“
- Втора УЗ – 18:00, ООУ „Никола Вапцаров“
- Трета УЗ – 18:00, ООУ „Маршал Тито“
- Четврта УЗ – 18:00, ООУ „Сандо Масев“
- Петта УЗ – 20:00, ООУ „Сандо Масев“
- Шеста УЗ – 20:00, ООУ „Сандо Масев“
- Седма УЗ – 20:00, ООУ „Видое Подгорец“
- Осма УЗ – 20:00, ООУ „Никола Вапцаров“
Месни заедници (населени места):
- Баница – 18:00, Училиштe
- Банско – 20:00, Училиштe
- Водоча – 20:00, Училиштe
- Вељуса – 18:00, Училиштe
- Габрово – 20:00, Училиштe
- Градско Балдовци – 18:00, Училиштe
- Дабиље – 18:00, Училиштe
- Добрејци – 18:00, Училиштe
- Костурино – 18:00, Училиштe
- Куклиш – 18:00, Училиштe
- Муртино – 18:00, Училиштe
- Попчево – 20:00, Училиштe
- Просениково – 18:00, Училиштe
- Рич – 18:00, Училиштe
- Сачево – 18:00, Училиштe
- Свидовица – 18:00, Училиштe
- Раборци – 20:00, Училиштe





























