![almak](https://strumicanet.com/wp-content/uploads/2024/11/srnet-banner-noe-2-optimized.png")
Во организација на НУ Центар за култура „Антон Панов“ Струмица на 13 април (четврток), во 13:00 часот ќе биде промовираната книгата „Мисли и размислувања“ од Антон Панов. Промотори ќе бидат: Иван Котев, Јордан Стојаноски и Ана Витанова Рингачева. Модератор: Ѓорѓи Калајџиев, музичка илустрација на гитара: Слободан Ѓошиќ.
Антон Панов е роден на 13 Април 1906 година во град Дојран во многучленото сиромашно семејство на Ѓорѓи (Ѓуро) Панов. Како и многу млади Македонци од тоа време и неговиот животен пат беше определен мачно да го пробива за своја животна егзистенција. Татко му бил ситен трговец на риба, но и активен учесник во Револуционерната Организација, која по Илинденското востание е подложена на репресии, а нејзините членови биле затворани и испраќани на заточеништво. И таткото на Антон Панов, Ѓуро бил затворен и испратен на заточение во Беаз – Куле во Солун.
Антон од татко му ја наследил гордоста и борбеноста, а уметничкото од мајка му Руша (Марушка) и баба му Ката, кои биле талентирани за драмски импровизации.
Уште како мал Антон чиракува во дуќанот на татко си, иако не го сакал тој занает – трговијата. Нижите одделинија ги завршува во родното си место, но поради рушењето на градот Дојран во 1916 година неговото семејство се преселува во Струмица и овде ги завршува вишите одделенија и 1-ви клас гимназија. Во 1923 година неговите родители се преселуваат во Белград, каде Антон го продолжува гимназиското образование во 3-та машка гимназија. Поради спор со еден од професорите, ја напушта гимназијата и приватно ги полага испитите пиетет од VI и VII клас. Паралелно со подготвувањето на испитите го посетува и средното музичко училиште во кое учи виолина и соло пеење. Поради неговиот нескротлив темперамент не го завршува гимназиското и музичкото образование. Тоа е и причина да дојде во судир со својот татко кој му откажува понатамошна материјална поддршка. За да опстане Панов се вработува во хорот на Белградската Опера каде минува цели тринаесет години. И тука му се вродува љубовта спрема театарската уметност, односно оттогаш почнува неговата работа на литературното поле и проучувањето на македонското фолклорно богатство.
Почина по тешка болест на 28 август 1968 година.
