На Преображение, во манастирот во Велјуса беше отслужена света повеќеархиерејска Литургија со Митрополите г. Дамаскин, г. Наум и Епископот дремвитски г. Давид

Денеска на празникот Преображение, во манастирот „Рождество на Пресвета Богородица”, во селото Велјуса, кај Струмица, беше отслужена света повеќеархиерејска Литургија.

На Литургијата началствуваше Неговото Високопреосвештенство Митрополитот на дидимотиху, орестиада и суфлиу г. Дамаскин во сослужение на Неговото Високопреосвештенство Митрополитот струмички г. Наум и на Неговото Преосвештенство викарниот Епископ дремвитски г. Давид.

На Литургијата, после прочитаното евангелско зачало, беседеше Митрополитот г. Наум, а на крајот се обрати Митрополитот г. Дамаскин честитајќи му ја триесетгодишнината од хиротонијата во Архиерејски чин на Митрополитот г. Наум.

По завршувањето на Литургијата за присутните беше приредена трпеза.