На денешен ден е роден македонскиот писател и новинар од Струмица Бранко Бјадов

На денешен ден во 1939 година во Струмица е роден познатиот македонски писател и новинар Бранко Бјадов.

Најголемиот дел од својот живот го поминал во Струмица, каде што завршил основно училиште и гимназија. Дипломирал на Филозофскиот факултет во Скопје на групата Југословенска книжевност со македонски јазик.

Бил професор по македонски јазик и директор во Трговското училиште „Цветан Димов“ во Струмица. Долги години бил директор и главен уредник на Радио Струмица и на „Струмички весник“. Работел како новинар-уредник во Радио Телевизија Струмица сè до неговото пензионирање.

Бранко Бјадов бил член на Друштвото на писателите на Македонија. Бил учесник на „Струшките вечери на поезијата“. Неколку песни му се преведени на англиски, француски, руски и ерменски јазик. Автор е на четири книжевни објави, од кои две се поетски. Автор е и на неколку драми и мноштво песни и раскази кој не успеал да ги редактира.

Бранко Бјадов починал на 30 декември 2006 година.

• И по 16 години од неговата смрт, неговите „нови“ раскази излегоа „на виделина“ преточени во книгата „Патникот од долината“