На Граничниот премин „Богородица“ приведен затвореник од Баница пуштен на викенд – приложил фалсификувана бугарска лична карта на туѓо име

Синоќа во 23:00 часот на Граничниот премин „Богородица“, на излез од државата, полициски службеници го лишиле од слобода А.Р.(32) од село Баница, струмичко, поради тоа што при извршена пасошка контрола било констатирано дека приложил фалсификувана бугарска лична карта на туѓо име, информираат од МВР.

При извршени дополнителни проверки било утврдено дека А.Р. издржувал затворска казна во Казнено-поправната установа Затвор Штип, од каде бил пуштен на викенд. Тој бил предаден на полициски службеници од Полициската станица Гевгелија, по што бил спроведен во установата.