![almak](https://strumicanet.com/wp-content/uploads/2024/11/srnet-banner-noe-2-optimized.png")
Своето прво учество на меѓународен турнир најмалите од генерација 2015, се вратија од Сандански, Бугарија со освоено петто место. Пандевци го завршија турнирот со три победи и два порази. Во групната фаза завршија како третопласирани со исти бодови како и второпласираните од Благоевград, но поради послаба гол разлика не се пласираа во полуфиналето.
„Ова беше прво излегување од Македонија за нашите дечиња. Учествуваме на турнир со многу силни екипи од Бугарија, Македонија и Србија. Се натпреварувавме во две групи од по пет екипи. Покажавме дека можеме да се натпреваруваме и со екипи кои се на повисоко ниво од нас. Постигнавме одлични резултати, лично сум задоволен од сите деца кои учествуваа. Има многу време пред нив и верувам дека со многу работа и нови искуства ќе растат како подобри фудбалери и зрели личности. Најбитно за мене беше да се дружат и да бидат среќни. Секое ново искуство ќе ги прави похрабри и со поголема мотивација и желба за натпреварување. Морам да се заблагодарам и на родителите кои беа огромна поддршка на децата сите овие денови“, ни рече тренерот Томе Христов.
На последниот ден од турнирот младите Пандевци одиграа натпревар за петтото место против екупата на Карлово од Бугарија и беа поуспешни по пенал изведбата со 4:2. Во регуларниот дел натпреварот заврши 3:3.
