Премиерот Христијан Мицкоски и претседатела на ВМРО-ДПМНЕ, вчера при посетата на Струмица кажа дека после 19-ти октомври овде во Струмица ќе имаме нов градоначалник којшто доаѓа од редовите на ВМРО-ДПМНЕ и Коалицијата, ќе имаат мнозинство во Советот којшто ќе го сочинуваат советниците од ВМРО-ДПМНЕ и Коалицијата.
„Имаме прилично амбициозна агенда за денот потоа, да се направи проект повеќе, да се реализира проект повеќе, сето она што до сега беше ветувано, а нереализирано или заборавено да го реализираме. Како Влада продолжуваме да ги поддржуваме општините, се сеќавате Струмица во првиот повик од Министерството за локална самоуправа не поднесе тогаш проект, односно поднесе еден проект којшто не ги исполнуваше условите. Додека пак сега во вториот повик поднесе неколку проекти, улици генерално за асфалтирање и реконструкција и сите тие проекти беа одобрени од страна на Владата и ќе ги финансираме во периодот којшто следи“ – кажа Мицкоски.
Вечерва од 20:00 часот во спортската сала „Парк“ во Струмица, ВМРО-ДПМНЕ ќе го промовира кандидатот за градоначалник, Петар Јанков и листата за членови на Советот на општина Струмица, предводена од д-р Никола Маџунков.
