Претседателот на Советот на општина Струмица, Марјан Даскаловски кој воедно е и кандидат за градоначалник на Струмица на претстојните Локални избори од СДСМ, со реакција во врска со обвинувањата кон него на социјалните мрежи за текот на вчерашната седница на Советот на општина Струмица.
Интегрален текст од реакцијата доставена до медиумите:
Почитувани граѓани.
Пред избори маските почнаа да паѓат. Па затоа на овој начин сакам да ви се обратам и да ги расчистиме сите дилеми, а воедно и да ве предупредам дека Струмица им е трн во око, но и да ви ветам дека Струмица ќе биде на сите, без лаги, без дволични игри, без компромиси!
По вчерашните здружени соопштенија од страна на ВМРО-ДПМНЕ, независниот советник Танушев и градоначалникот Костадинов добивме нова коалиција во Струмица, која во паника од изборите кои следуваат дејствуваат организирано против мене и СДСМ.
Вчерашната седница беше целосно спороведена по деловник.
На дневен ред беше предложен амандман од советникот Танушев, по кој требаше изјаснување од страна на заменикот раководител на сектор за анамандманот, кој во два наврати (пред и после пауза) не се изјасни воопшто, свесен дека нема средства за реализација на истиот.
Инаку известителот од прв ред е Градоначалникот, потоа заменик градоначалник, потоа раководител за на крај заменикот…
Откако увидоа дека за предложениот амандман нема средства во буџетот, советникот Танушев сакаше од негови „политички” побуди да го стави на гласање.
Замислите, ВМРО-ДПМНЕ беа против тоа, за сега да излезат со соопштение во кое ја покажуваат нивната дволичност.
Паниката во нивниот штаб, очигледно ги тера на соопштенија кои не се ни блиску до реалноста, но за тоа на избори граѓаните ќе судат.
Зошто маските паднаа!?
Пред 3 месеци кога повикувавме на здрав разум за ситауцијата во градинките, ВМРО спинуваа, независниот велеше да не се политизира, а градоначалникот вети ребаланс за пронаоѓање средства на кадарот од градинките, не го стори тоа. Ништо од тоа не се случи, напротив сега ВМРО повторно игра дволично, независниот политизира, а градоначалникот чукајќи се во гради, заборави на ветеното. Ваквиот хаос ќе престане уште во Октомври.
Јас сум човек кој секогаш е спремен да подаде рака кон секој и за секој. Граѓаните на општина Струмица знаат кој е Марјан Даскаловски.
А за пожарникарите, од сите погоре спомнати, можам без сомнеж да споделам дека таму ги имам сите како мои другари и пријатели и за нивното херојство ќе се заложам уште во првиот ден од мојот мандат.
Општина Струмица ќе добие нов лик, ќе добие нов менталитет и ќе работи во интерес на сите.
Маските ви паднаа, јас сум победувал различни коалиции, затоа што сум со граѓаните, па затоа и ќе ве победам повторно! – стои во реакцијата на Марјан Даскаловски.
