Македонскиот бренд од Струмица – маслото за јадење „Бисер“ се претставува на Саем за храна во Италија

Од денеска до 11 мај во Милано, Италија се одржува Саем за храна „TUTTOFOOD 2023“. Меѓу излагачите се претставува и струмичката компанија, Рафинеријата за масло „АЛ-МАКС“ со познатиот македонски бренд во прехранбената индустрија, маслото за јадење „Бисер“.

На Саемот „TUTTOFOOD 2023“ во наредните четири дена ќе се претстават над 2500 бредови од 46 држави, меѓу кои и од Македонија.

„АЛ-МАКС“ е основана во Струмица во 1997 година, а изградбата на рафинеријата за производство на масло за јадење е завршена кон крајот на 1998 година. Сместена е на површина од 25.000 м², а нејзиниот бренд „Бисер“, освен во Македонија се пласира и во многу земји од регионот и пошироко.