Локалниот совет за женско претприемништво ја одржа првата седница

Денеска се одржа првата официјална седница на Локалниот совет за женско претприемништво. Членовите на Советот беа избрани преку Јавен повик што го распиша Општина Струмица, а се формираше во месец март годинава, објавија на Фејсбук од општината.

На седницата присуствувал и градоначалникот Костадин Костадинов како поддршка во функционирањето на Локалниот совет и севкупно на женското претприемништво, неговото унапредување и придонес во економскиот развој на Струмица.

Целта на Локалниот совет за женско претприемништво е поттикнување на претприемачкиот дух преку промоција на добри практики, креирање програми и можности за финансиска, советодавна и менторска поддршка и промоција на пазарот.