Лидерот на ЗНАМ, Максим Димитриевски се сретна со членството во Струмица во рамките на кампањата „Заедно повеќе знаеме“

„На претстојните Локални избори ЗНАМ ќе настапи со свои кандидатски листи за советници во сите општински огранизации кадешто ги имаме и секако дополнително со свои кандидати за градоначалници, за коишто веќе разговараме со нашите владини партнери за взаемна поддршка на самите кандидати во тие општини кадешто ЗНАМ ќе има свои кандидати и дополнително тие ќе имаат свои кандидати“ – кажа претседателот на Движењето ЗНАМ – За наша Македонија, Максим Димитриевски кој синоќа во Општинската организија во Струмица имаше средба со членството и раководството на оваа партија во рамките на кампањата „Заедно повеќе знаеме“, потенцирајќи дека до крајот на овој месец ќе соопштат на јавноста каков ќе биде епилогот од разговорите со владините партнери и во кои општини ќе имаат свои кандидати за градоначалник.

Тој кажа дека во рамките на овој проект, во прва фаза е да се сретнат со своите членови и со општинските раководства на партијата, да поразговараат на повеќе теми, во делот на организациската поставеност на партијата на локално и на регионално ниво, а дополнително и за подготвување на тимови коишто веќе во втора фаза ќе разговараат директно со граѓаните и заедно со граѓаните ќе ја создааваат предизборна програма за „Локалните избори 2025-та“.

„Разговаравме отворено за актуелната состојба, предизвиците што не’ очекуваат и за подготовките за претстојните Локални избори“ – кажа претседателот на ОО на ЗНАМ во Струмица и пратеник во македонското Собрание, Миле Цеков.

„Почнавме од ништо, од нула, без ни една политичка врска, без позадини и без моќни спонзори. Почнавме од срце и душа, затоа што знаевме дека Струмица заслужува нова опција! 30 години истата старa политика не го решава проблемот – само се менуваат лицата, но народот продолжува да чека! Сега е време за нови луѓе, за нова енергија, за нова сила која ќе ја врати надежта во Струмица. Ние не сме за жал останати во минатото. Ние го носиме духот на иднината“ – кажа Цеков најавувајќи дека на претстојните Локални избори ќе понудат нешто поинакво – чесни луѓе кои ќе работат за народот, не за фотелји и привилегии.

„Нашите советници ќе бидат најголемото изненадување – млади, чесни, способни и без какви било политички компромиси! Струмица заслужува да биде град на развој, на живот, на шанси за сите – не само за неколку избраници. Ова е нашиот момент – да ја изградиме вистинската иднина на Струмица“ – додаде Цеков.