![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
„Бистра вода“ е најновата песна на Ленче Кукиќ што ја сними за Гранд продукцијата. Од денеска таа премиерно е промовирана на YouTube каналот во емисијата „А сад мало ми“ на Гранд ТВ. Комплетен автор на песната е познатиот српски виолинист Стефан Илиќ, а во создавањето на аранжманот му помогна и синот на Ленче, Иван Кукиќ, кој го продуцираше и снимањето на песната.
Ова е втора песна на Ленче за Гранд продукција, по „Бисер“ која ја објави на почетокот од минатата година со видео спот.
„Требаше и за „Бистра вода“ да снимаме спот, и така да ја промовираме, но се некако се одложуваа работите, иако беше направено сценариото, одредени локациите, но екипата никако да се собере и да го сними спотот. Се некој болен, некој зафатен на други ангажмани и премногу се оддолжи, па се договоривме со Гранд продукција да ја промовираме во емисија на ТВ“, ни кажа Ленче, но најави дека кога тогаш ќе се направи и видео спот за ова прекрасна песна.
Уште две песни подготвува Ленче за Гранд продукцијата и српскиот естраден пазар. А деновиве повторно направи обработка на една стара македонска песна „Што од мене сакаш либе“, со нов аранжан на Иван Кукиќ, а ќе биде наскоро промовирана.
Ленче ни најави дека таа со Горан на 4 и 5 април ќе настапат на двата големи концерти во чест на легендата на македонската народна музика, Јонче Христовски насловен „Симфонија“, во организација на Камерниот оркестар на Битола, кои ќе се одржат во Битола и Скопје.
