„Комуналец“ собра 150 кубни метри разновиден отпад од „генералката“, акцијата ќе се продолжи и во недела

Од ЈПКД „Комуналец“ Струмица информираат дека поради обемноста на работата акцијата за собирање на кабаст отпад од домаќинствата која траеше три неделни денови по ред, и оваа недела, 9 јули, ќе продолжи со акцијата за собирањето на отпад, во долниот дел од градот Струмица. Сите оние кои ќе го пријават својот кабаст отпад на телефонскиот број 13-110 и го извадат пред своите дворови во недела до 13:00 часот ќе биде подигнат истиот ден.

Инаку во „генералната акција“ во месец јуни, што ја организираше ЈПКД „Комуналец“ со Општина Струмица беа подигнати 54 трактори или околу 150 кубни метри разновиден отпад, кој, како што велат од „Комуналец“, ако не беше ова акција ќе завршеше расфрлан по улиците на градот.