За кандидат за градоначалник да биде избран во првиот круг, тој мора да добие мнозинство гласови од избирачите кои гласале, но само доколку на изборите излегле една третина од вкупниот број избирачи запишани во Избирачкиот список за соодветната општина. Доколку во првиот круг од гласањето за избор на градоначалник на општината не излезат една третина од вкупниот број избирачи запишани во изводот од Избирачкиот список за соодветната општина, се повторува целата изборна постапка.
Доколку никој не го добие потребното мнозинство во првиот круг, двајцата кандидати со најмногу гласови одат во втор круг, кој се одржува за 14 дена, односно на 2 ноември. Во вториот круг, победува кандидатот со повеќе број гласови.
Членовите на Советот на општината се избираат во првиот круг, преку пропорционалниот модел и примена на Д’Онтовата формула.
