Камион прегази 46-годишен пешак од Ангелци на булеварот „Гоце Делчев“ во Струмица

Од СВР Струмица информираат дека вчера попладне околу 15:30 часот на булевар „Гоце Делчев“ во Струмица, товарно возило – влекач „Ман“ со струмички регистарски ознаки, управувано од Т.С.(56) од Богданци, удрило во пешакот Д.Т.(46) од село Ангелци, струмичко.

Во несреќата пешакот се здобил со тешки телесни повреди и бил пренесен во струмичката болница за укажување на лекарска помош, каде подоцна починал.

За настанот бил известен јавен обвинител од Основното Јавно обвинителство Струмица, по чии насоки телото на починатиот било дадено на обдукција.

Извршен бил увид од увидна екипа од СВР Струмица.