И годинава „Комуналец“ организираше Ифтарска вечера за вработени во комуналното претпријатие

ЈПКД „Комуналец“ од Струмица вечерва организираше Ифтарска вечера за своите вработени од исламска вероисповед во кругот на комуналното претпријатие во чест на Светиот месец Рамазан.

На вечерата присуствуваа и претседателот на Советот на општина Струмица, Марјан Даскаловски со дел од членовите на Советот.

Директорот на „Комуналец“, Љупче Љачев ги поздрави вработените им посака на здравје постот и во радост и мир да го дочекаат големиот празник Рамазан Бајрам.

„Заедно во исполнувањето на работните задачи, но заедно и во почитувањето на традициите и славењето на празниците“, кажа Љачев.

Ифтарската вечера се организира по втор пат во претпријатието и се покажа како одлична идеја да се сподели радоста за претстојниот голем празник Рамазан Бајрам.

ФОТОГАЛЕРИЈА