Избувна пожар во кујната на пица ресторанот „Хепинес“

Вечерва пред 21 часот избувнал пожар во кујната на пица ресторанот „Хепинес“ во Струмица. Интервенирала противпожарната единица на Струмица со две противпожарни возила и пет пожарникари. Информацијата ни ја потврди командирот на ТППЕ – Струмица, Александар Гудев. Бил опожарен дел од инвентарот во кујната односно шпорет и фритеза, а благодарение на брзата интервенција на пожарникарите, превентивно биле отстранети две плински боци поради кои можело да дојде до поголема експлозија. Пожарот бил целосно изгаснат во 21.15 часот.