Избрани најдобрите библиотекари – „Библиотеката темел на писменоста“

Годинава во рамките на „Струмица Опен фестивал“ се одржува 22-то издание на Литературната манифестација „Средби под јаворите – Видое Подгорец 2023“. На првиот ден беа доделени Признанија на најдобрите библиотекари за 2023 година – „Павлина Цунева Маказлиева“.

Во категоријата јавни библиотеки, Тања Гошева од ЛУБ „Благој Јанков Мучето“ Струмица и Магдалена Кочовска Салтирова ЈОУ Библиотека „Искра“ Кочани добија Признание за врвни достигнувања од областана во библиотекарството и информациската дејност во јавните библиотеки, додека во категоријата училишни библиотеки, Анета Велкоска од ООУ „Кирил Пејчиновиќ“ Скопје доби Признание за врвни достигнувања во областа на библиотекарството и информациската дејност во училишните библиотеки.

„Библиотеката темел на писменоста“ беше темата на едукативното советување што го организираше ова литературна манифестација, на кое над 80-тина библиотекари од Македонија слушаа одлични предавања на универзитетски професори.

Според програмата, утре од 10:00 до 16:00 часот во градинките и основните училишта во Струмица и општина Ново Село ќе се одржат Книжевни средби со писателите – гости на манифестацијата, а во 17:00 часот во Домот на АРМ во Струмица ќе се одржи трибина на тема: „Вмрежување на балканските книжевници за деца“.