Златни плакети за мир на Васил Тупурковски, Зоран Заев и Алексис Ципрас ќе бидат доделени на Симпозиумот на спортски новинари од Југоисточна Европа во Струмица

На вториот ден од Симпозиумот на спортски новинари од Хрватска, Босна и Херцеговина, Унгарија, Србија, Црна Гора, Бугарија, Грција, Кипар, Албанија, Турција и од земјата домаќин Македонија – „Спортот за државата – државата за спортот“, кој во организација на Асоцијацијата на спортски новинари на Македонија, вчера и денеска (3 и 4 Ноември), се одржува во хотелот „Сириус“ во Струмица, ќе бидат доделени златни плакети за мир на Васил Тупурковски, Зоран Заев и Алексис Ципрас, по што ќе следуваат обраќањата на говорниците на пет теми: „Мир“, „Спорт“, „Здравје“, „Младост“ и „Радост“.
На Симпозиумот ќе учествуваат и потпретседателот на Светската Асоција на AIPS, Јанис Дарас, генералниот секретар на AIPS, Јуре Озмец, како и членови на Бордот на Европската асоцијација на спортски новинари.
Симпозиумот завршува вечерва со забава на која ќе бидат доделени и пехарите на победниците од турнирот посветен на Благој Истатов, како и доделување плакети и признанија на истакнати спортисти и спортски работници заслужни за развојот и унапредување на спортот во Македонија.