Затворски полициски службеник со осуденик од струмичкиот затвор со приватен автомобил се возеле кон валандовско

Денеска напладне на раскрсница кај село Чалакли, валандовско, полициски службеници од Одделението за внатрешни работи Валандово ги лишиле од слобода Р.М.(42) од село Водоча, затворски полицаец и Д.Д.(27) од село Рич, струмичко, лице осудено на казна затвор, информираат од струмичката полиција.

Имено, Р.М. кој денеска во периодот од 07:00 до 19:00 часот бил на работа како затворски полицаец во „Затвор Струмица“, пречекорувајќи ги неговите овластувања му овозможил на осуденикот Д.Д., кој во моментот издржува затворска казна, времено да го напушти затворот, иако за тоа немал соодветно Решение. Притоа, двајцата, со приватното возило на Р.М. се упатиле кон село Јосифово, валандовско.

За случајот се запознаени Основното Јавно обвинителство Струмица и Затворот Струмица, а по негово целосно документирање ќе биде поднесена соодветна пријава.