Заврши реновирањето на старата училишна зграда на Подрачното училиште „Атанас Нивичански“ во Висока Маала, во која наставата се реализираше за учениците од прво до трето одделение.
Комплетниот нов изглед на училишната зграда во Висока Маала опфати реконструкција на кровот, обезбедени се нови клупи, столови, поставен е нов под во училниците, нови тоалети, нови печки за греење на училниците. Овој проект се реализираше со пари од „Rumeli Türkleri Kültür ve Dayanışma Derneği“ од Турција, а свое финансиско учество имаше и општината Василево.
Учениците од прво до трето одделение веќе од понеделник ќе ја продолжат наставата во реновираните простории, а досега наставата ја следеа во новиот училишен објект на ООУ „Атанас Нивичански“, на влезот од селото во кој настава посетуваат учениците од четврто и петто одделение.
