Екипата на „Спорт лајф“ победник на Меморијалниот турнир во мал фудбал „Ч’крче 2023“ во Пиперево

Синоќа во селото Пиперево заврши Меморијалниот турнир во мал фудбал „Ч’крче 2023“, кој и годинава се одржа под покровителство на Општина Василево. Во конкуренција од вкупно 14 екипи победник беше екипата на „Спорт лајф“, кои во финалето со резултат од 4:2 ја победија екипата на „Вики маркет“. Во дуелот за третото место екипата на „Алуметал стил“ ја победи „К1“.

Организаторот имаше обезбедено парични награди за најдобрите екипи и тоа: 40.000 денари за првопласираните, 20.000 денари за второто место, 10.000 денари за третопласираните и 10.000 денари за освоеното четврто место.

На турнирот беа доделени и поединечни награди: Игор Гонев од „Вики маркет“ за најдобар голман, Трајче Димитров од екипата на „Спорт лајф“ за најдобар играч и Никола Радојчиќ од екипата на „Алуметал стил“ за најдобар стрелец.

Меморијалниот турнир „Ч’крче“ се одржува во чест и спомен на прерано починатиот Славе Стојанов – Ч’крче од селото Пиперево.