Долготрајни аплаузи за „Амаросо“ од Србија – струмичани уживаа во прекрасните звуци од гудачките инструменти на дамите

Синоќа со концерт на еден од најдобрите камерни оркестри во Србија – „Амаросо“ од Лесковац беше означен крајот на третиот „Strumica Classic International Festival 2024“, а меѓу бројната публика во фоајето на Центарот за култура „Антон Панов“, концертот го следеше и амбасадорката на Република Србија во Македонија, Невена Јовановиќ.

Дамите, врвни музичарки кои се дел од комплетниот состав на „Амаросо“ со своето свирење направија убавини на прекрасни чувства меѓу публиката која со внимание ја слушаше секој отсвирена нота.

Свиреа познати дела од Вивалди, Моцарт, Брамс, Џенкис, а целата убавина беше заокружена на крајот со изведбата на делото „Дојрана“ од македонскиот композитор Трајко Прокопиев со солистичка изведба на флејта од Биљана Миљковиќ.

Во изминатите недела дена, односно од 1 до 9 јуни на три локации во Струмица се одржаа пет концерти во рамките на годинешното издание „Strumica Classic International Festival“, а во изведба на камерни оркестри и солисти од Македонија, Бугарија, Србија и Хрватска.